網紅的藏寶箱我想問，成班人一齊睇 HOCC，有乜嘢要驚先？
根據嗰份政治掛緒、邏輯矛盾、不符科學嘅《預防及控制疾病(禁止羣組聚集)規例》，「公眾地方」（public place）係指「公眾人士或部分公眾人士可以或獲准不時在繳費或不繳費下進入的地方」。
對於私人場地，只要該場地不容許別人不時進入，就不受限聚令嘅規管。我尋日同朋友各自買飛一齊睇騷嘅場地，係完全唔公開嘅私人場地，根本就不受限聚令規管。
我將張相貼出嚟，係想畀大家睇下，即使受到打壓，但大家依然會用盡方法去享受群聚嘅自由，更希望畀 HOCC 同佢個團隊嘅人睇到，佢哋嘅音樂，在高壓下仍然帶畀大家笑聲、淚水與汗水（佢件衫真係好厚）。
氧氣不足時，才知努力呼吸之重要。壓力越大，才知努力發聲之可貴。越唔畀大家叫，就要越努力叫。
（PS：講真，如果講違反限聚令，近排有啲街站真係全部違反晒限聚令喇，當然佢哋著晒「為所欲為 tee」，唔會被檢控。）
影片：Encore 時段努力大叫，雖然隔住個 mon，但相信全世界好多人一齊出盡力係咁叫！
Search